السلام عليكم
هدا هو وقت السفرجل
علاش ما نغتانموش الفرصة و نحضرو كمية من المعجون
ياك ماكانش كيما خدمة الدار
جيبي الكمية اللي تقدري عليها من السفرجل
اغسليه مليح , قشريه وقطعيه مكعبات . المهم ما ترميش الزريعة
حطيها في قطعة شاش مع السفرجل
اوزنيه
اظيفي نصف الكمية من السكرثم
الماء على خاطر هو قاسح شوية
خليه يطيب مليح و ذوقيه اذا ناقصو سكر زيدي شوية
ارحيه بالميكسور
و رجعيه فوق النار بلا ما تنسي العقدة تاع الزريعة و خليه حتى يتغير اللون تاعه يولي احمر
و السر تاعي
هو
اني نضيف
ملعقة كبيرة من
عطر الفراولة
صدقوني يجي شباب بزاف
و كيما قالت حورية المطبخ
عقمي البوقالات مليح وعمريها بالمعجون و هو ساخن
اغلقيها و اقلبيها حتى تبرد
جربوه و رجعولي الخبر

شكرا لك على هذه الوصفة الرائعة
بانتظار الجديد القادم
دمت بكل خير